Бүгін – қазақтың әйгілі әншісі Мәдина Ералиеваның туған күні, деп хабарлайды El.kz ақпарат агенттігі.
Тірі болса, ол 70 жасқа толар еді. Өкінішке қарай, әнші 2000 жылдың күзінде, яғни 46-дан асқан шағында жол апатынан қаза тапты.
Мәдина Есмалайқызы Ералиева 1954 жылы 2 тамызда Қызылорда облысы Қазалы ауданында дүниеге келген. Әнші 1974 жылы Қызылорда педагогика училищесінің музыка бөлімін, 1978 жылы Қазақ мемлекеттік қыздар педагогика институтының музыка факультетін бітірген. 1978-84 жылы Әдебиет және өнер институтында қызмет істеді. 1985 жылдан өмірінің соңына дейін Алматы облысы филармониясының жетекші әншісі болды. Өнер әлеміндегі аз ғана ғұмырында үлкен белестерді бағындырған жұлдыз 1990 жылы Қазақстанның еңбек сіңірген әртісі атағын алған.