Грек-рим, еркін және әйелдер күресі федерациясы балуандарының Олимпиада қарсаңындағы соңғы жаттығу жиыны қайда өтетіні белгілі болды, деп хабарлайды El.kz ақпарат агенттігі.
Ұлттық олимпиадалық комитет мәліметінше, отандық балуандар Париж Олимпиадасының алдындағы соңғы дайындық кезеңін Алматы облысында өткізеді. Бұл Париж ойындарына дайындықтың үшінші кезеңі болып табылады.
Жаттығу жиыны 21 шілде мен 2 тамыз аралығында ұйымдастырылмақ.
Оқу-жаттығу жиынына Олимпиадаға қатысатын балуандар мен олардың спарринг серіктестері қатысады.
Еске салсақ, Париж Олимпиадасына Қазақстан атынан жалпы есебі 8 балуан сынға түседі. Олардың төртеуі еркін күрестен бақ сынаса, төртеуі грек-рим күресінен бақ сынайды.