Күнбағыс қабығы өртеніп жатыр: жедел штаб құрылды

Абай облысында күнбағыс қабығы жанып жатыр, деп хабарлайды El.kz ақпарат агенттігі. 

ТЖМ мәліметінше, Абай облысы Жаңасемей ауданы Приречное кентіндегі өртті сөндіруге ТЖД жеке құрамынан 40 адам және 16 бірлік техника жұмылдырылды.  Тұрғындар эвакуациялануда. Өртті сөндіруге қатты жел кедергі келтіріп жатыр.

Қазақстанның ТЖМ командалық орталығының базасында жедел штаб құрылды. 

Өртті сөндіруге ТЖМ, ПД, ЖАО, ЖШС және ҚР ТЖМ 68303 әскери бөлімінің 111-ден астам адам мен 33 бірлік техника жұмылдырылды. Өрт орнында ТЖМ АМО қызметтері мен ТЖД психологтары жұмыс істеуде. 

Абай облысының ТЖД жедел желі ашылды 8 (722) 35-38-36.

Өртті сөндіру үшін Қазақстан ТЖМ авиациясы жұмылдырылды. 

ТЖ министрі генерал-майор Шыңғыс Әріновтің тапсырмасы бойынша өрт шыққан жерге ТЖМ тікұшағы жұмылдырылды.