Астана қаласында өтіп жатқан Дүниежүзілік көшпенділер ойындарында Ұлытау облысы полиция департаментінің қызметкері Асылмұрат Бірімжан мас-рестлингтен қола жүлдені жеңіп алды, деп хабарлайды El.kz ақпарат агенттігі.
Ол 65 келі салмақта додаға түсіп, моңғолиялық спортшыны 2:0 есебімен айқын басымдықпен жеңді.
Асылмұрат Ұлытау ауданы Шеңбер ауылында дүниеге келген. Жұбайы екеуі бір ұлды тәрбиелеп отыр. Жастайынан спортты жанына серік етіп, түрлі жарыстарда жеңіске жеткен.