Көлік – тек жүру құралы ғана емес, адамның өмір сүру салты мен жайлылығын айқындайтын маңызды фактор. Сондықтан көлік сатып алу кезінде асығыстық танытпай, барлық детальды мұқият саралаған жөн. Мамандардың айтуынша, дұрыс таңдау жасау үшін бірнеше негізгі ережені ескерген абзал, деп хабарлайды деп хабарлайды El.kz интернет порталы.

Бірінші ереже – қажеттілікті анықтау. Көлікті не үшін алатыныңызды нақтылап алыңыз: күнделікті жұмысқа бару үшін бе, отбасыңызбен саяхаттау үшін бе, әлде жүк тасу мақсатында ма? Мысалы, қала ішінде жүруге шағын әрі үнемді көліктер ыңғайлы болса, ұзақ сапар мен ауылдық жерлерге жол талғамайтын кроссоверлер тиімді.

Екінші ереже – бюджет пен шығынды есептеу. Көліктің бағасы ғана емес, оның күтіміне кететін шығын да маңызды. Отын шығыны, салық, сақтандыру, техникалық қызмет көрсету құнын алдын ала есептеген жөн. Кейде арзан көрінген көлік ұзақ мерзімде қымбатқа түсуі мүмкін.

Үшінші ереже – техникалық жағдай мен тарихын тексеру. Егер көлікті қолданыстан алатын болсаңыз, оның жүрісін, апатқа ұшыраған-ұшырамағанын, құжаттарының дұрыстығын мұқият қараңыз. Арнайы сервисте компьютерлік диагностикадан өткізу артық болмайды.

Төртінші және бесінші ережелер – қауіпсіздік пен ыңғайлылық. Қауіпсіздік жастықшалары, тұраққа қою көмекшілері, тежеу жүйесінің сенімділігі – көлік таңдаудағы негізгі факторлар. Сонымен қатар орындықтың жайлылығы, салоның кеңдігі және басқару панелінің ыңғайлылығы да назардан тыс қалмауы тиіс.

Алтыншы және жетінші ережелер – сынақ жүргізу мен пікірлерді зерттеу. Көлікті сатып алар алдында міндетті түрде тест-драйв жасап көріңіз. Ал сол модель туралы иелерінің пікірлерін оқып, сенімді дереккөздерден рейтингтер мен шолуларды қарап шыққан жөн.

Көлік таңдау – үлкен жауапкершілік. Әр ережеге мән беріп, өз қажеттілігіңіз бен мүмкіндігіңізді үйлестірсеңіз, жаңа көлігіңіз ұзақ жыл бойы сенімді серігіңізге айналары сөзсіз.