Ақмола облысы білім басқармасының облыстық ведомствоаралық сараптамалық тобы Көкшетау қаласының білім бөлімімен бірлесіп білім басқармасының бас мамандарымен бірге Көкшетау қаласы білім беру ұйымдарында мектепте тамақтануды ұйымдастыруға мониторинг жүргізді, деп хабарлайды EL.kz ақпарат агенттігі.
Жұмыс барысында Көкшетау қаласының № 19 және № 22 жалпы білім беретін мектептерінде болды. Комиссия жұмыс барысында тамақтану сапасын бақылау жөнінде ведомствоаралық сараптамалық топтардың қызметін ұйымдастыру бойынша ұсыныстарды ұстанды.
Біздің міндеттерімізге бракераж комиссияларының қызметіне мониторинг жүргізу, балалардың тамақтануын ұйымдастыруды бақылау, өңір балаларының тамақтануын ұйымдастыру саласындағы өзекті мәселелерді шешуге жәрдемдесу кіреді. Сондай-ақ, біз өңірдің білім беру ұйымдарында білім алушылар мен тәрбиеленушілердің денсаулығын сақтау саласындағы мемлекеттік саясатты іске асыру бойынша ұсыныстарды әзірлеуге, байқаушылар ретінде қызметтерді, тауарларды жеткізушіні таңдау жөніндегі конкурстық комиссияға қатысамыз. Балалардың дұрыс тамақтануын насихаттау және тамақтану мәдениетін қалыптастыру мәселелері бойынша мектептердің қызметіне мониторинг жүргіземіз, халықтың санитарлық-эпидемиологиялық саламаттылығы саласындағы нормативтік құқықтық актілерді өрескел бұза отырып қызмет көрсетушілерді есепке алуды жүргіземіз, - деді сараптама тобының мүшесі Бақытжан Тұтқабаева.
Сараптама тобы бұзушылықтар анықталған жағдайда халықтың санитарлық-эпидемиологиялық саламаттылығы саласындағы мемлекеттік орган ведомствосының аумақтық бөлімшелеріне тиісті өтінішпен жүгінуге құқығы бар екенін атап өткіміз келеді. Сондай-ақ балалардың тамақтану сапасын бақылау жөніндегі комиссия мүшелерін тамақтандыруды ұйымдастыру мәселелері бойынша олардың қызметі туралы және мектеп әкімшілігін балалардың сапалы тамақтануын қамтамасыз ету және халықтың санитарлық-эпидемиологиялық саламаттылығы саласындағы нормативтік құқықтық актілерді сақтау жөніндегі міндеттерді орындау, тиісті құжаттаманы жүргізу жөнінде тыңдайды. Бар болса, тамақтануды ұйымдастыру және сапасы туралы жұмысты бағалайтын ата-аналардың шағымдарымен танысады және олар бойынша түсініктеме береді. Сараптама тобы байқаушы ретінде қызмет көрсетушіні, тауарларды таңдау кезінде конкурстық комиссияға қатыса алады.
Мектептерге бару қорытындысы бойынша комиссия өкілдері ұсыныстар берді. Осы бағыттағы жұмыс жалғасатын болады.