Еліміздің сыртқы істер министрлігінің ресми өкілі Айбек Смадияров Израильдегі қақтығыс кезінде Қазақстан азаматының қайтыс болғаны туралы ақпараттың жалған екенін мәлімдеді, деп хабарлайды El.kz ақпарат агенттігі.
Израильдің қорғаныс министрлігі ХАМАС ұйымының 7 қазандағы шабуылынан қаза тапқан және із-түзсіз жоғалып кеткен азаматтардың тізімін жариялады. Осы ретте олардың арасында Қазақстанның бір азаматы бар деген дерек тараған еді.
Бұған қатысты Қазақстан Сыртқы істер министрлігі бұл мәліметті жоққа шығарып отыр.
Ақпарат шындыққа жанаспайды. Израиль билігі кестеде қате кеткені үшін кешірім сұрады, - деді СІМ-нің ресми өкілі Айбек Смадияров.