Күрес түрлерінен Сербияның Нови-Сад қаласында өтіп жатқан 23 жасқа дейінгі жаһандық додада ел қоржынына екінші жүлде түсті, деп хабарлайды El.kz интернет порталы.

Грек-рим күресінен 97 келідегі Иусуф Мациев финалдық бәсекеде Украина спортшысы Егор Якушенкодан 1:6 есебімен есе жіберді.

Отандасымыз әлем чемпионатында Кио Китавакиді (Жапония) 2:1, Аршак Гегамианды (Армения) 4:0, Максим Аверинді (бейтарап спортшы) 9:1 есебімен ұтты.

Иусуф Мациев бұған 2022 жылы Болгария төрінде 20 жасқа дейінгі әлем чемпионатында да күміс медальді мойынына таққан.