Италия Үкіметі басшысы Астанаға жоспарланған жұмыс сапарымен келмейтін болды, деп хабарлайды  Еl.kz ақпарат агенттігі.

ҚР Президенті Әкімшілігі Басшысының орынбасары-Президенттің Баспасөз хатшысы Руслан Желдібай бұл туралы әлеуметтік желідегі ресми парақшасында мәлімдеді.

Эмилия-Романья аймағында болған жойқын су тасқыны салдарынан көптеген адамның қаза табуына байланысты Италия Премьер-министрі Джорджа Мелони табиғат апатынан зардап шеккен өңірлерге бару үшін Хиросимада өтіп жатқан G7 саммитіне соңына дейін қатыспай, еліне қайтып барады. Келіп түскен мәлімет бойынша Италияның солтүстігінде кем дегенде 40-тан астам елді мекен су астында қалып, 20 мыңнан астам адам баспанасынан айырылды. Осы себепке байланысты Италия Үкіметі басшысының Астанаға алдын жоспарланған жұмыс сапары болмайды», - деп жазды Руслан Желдібай. 

Ондағы дерекке қарағанда, Италия тарапы Президент Қасым-Жомарт Тоқаев пен Джорджа Мелонидің телефон арқылы сөйлесуін ұйымдастыруды сұраған көрінеді.