Чонбури қаласында (Таиланд) өтіп жатқан индорхоккейден әйелдер арасындағы Азия кубогында Қазақстан құрамасы екінші орын алды, деп хабарлайды El.kz ақпарат агенттігі.

Біздің команда ақтық сында Таиландқа 2:6 есебімен жол беріп, күмісті қанағат тұтты.

Азия кубогында Қазақстан құрамасы топтық кезеңде А тобында сынға түсті. Жарыс барысында Вьетнамды 28:0, Малайзияны 5:1, Оманды 8:0, Иранды 5:1 есебімен тізе бүктірді.