Ел бойынша Көлік комитеті, Көлік бақылауы қызметі және Әкімшілік полиция, сондай-ақ Бас көлік прокуратурасының үйлестіруімен ірі тексеріс жүргізілді, деп хабарлайды El.kz интернет порталы.

Рейд қорытындылары

17 қазанда Көлік министрлігі тексерістердің нәтижелерін жариялады. Барлығы 13 600-ден астам құқықбұзушылық анықталған, олардың ішінде:

1167 жолаушылар мен жүк тасымалдау ережесін бұзу;

394 заңсыз тасымалдау фактісі (негізінен такси қызметінде);

1962 көліктің техникалық байқаудан өтпеуі немесе техникалық талаптарға сай келмеуі.

Негізгі назар – оң жақ рөлі бар көліктерге

Рейд барысында Toyota Alphard, Estima секілді оң рөлді көліктер ерекше бақылауда болды. Нәтижесінде 213 жүргізушінің қарсы бағытқа шыққаны анықталған.

Такси жүргізушілерінің шаршауы – жаңа қауіп

Тексеру кезінде кей такси жүргізушілерінің күніне 5-6 рет қалааралық рейске шығатыны белгілі болды. Бұл – еңбек және демалыс тәртібін өрескел бұзу. Ұзақ сапарда шаршаған жүргізуші – қауіп деңгейі бойынша мас жүргізушімен тең, – деп атап өтті Көлік және көлік бақылауы комитеті.

Басқа да заңбұзушылықтар

268 жүргізуші мас күйінде көлік басқарған;

2506 жағдайда жүргізушілер телефонды рөлде пайдаланып, жол ережесін бұзған.

Тексеру шаралары алдағы уақытта күшейтілген тәртіпте жалғасады.