ІІМ оқушылар арасындағы бопсалаумен күрес туралы айтып берді, деп хабарлайды El.kz ақпарат агенттігі Polisia.kz-ке сілтеме жасап.
Кәмелетке толмағандарды құқыққа қайшы қызметке тарту – Мемлекет басшысының ішкі істер органдары үшін бөлген маңызды мәселелерінің бірі. Сондықтан полиция олардың оқу орындарындағы қауіпсіздігіне ерекше назар аударады. Мысалы, елдегі мектептерде учаскелік полиция инспекторлары, кәмелетке толмағандар ісі жөніндегі инспекторлар және жедел қызметкерлер бекітілген. Олардың міндеттеріне оқу орындарына үнемі бару, сабақтар өткізу, оқушылармен жеке әңгімелесу, сондай-ақ кәмелетке толмағандарға теріс әсер ететін және қылмыстық идеологияны тарататын адамдарды анықтау кіреді. ІІМ-нің міндеті – әр оқушы мен студентке осындай заңсыз әрекеттердің салдары туралы ескерту.
Полицейлер жасөспірімдерге 90 мыңдай сабақ өткізіп, ең маңызды мәселелерді талқылайды, олар қалпына келтірілмейтін салдарға әкелуі мүмкін, соның ішінде құмар ойындар, суицид және есірткі тұтыну. Олар әртүрлі құқық бұзушылықтар, оның ішінде есірткі қылмыстары, қорқыту, бопсалау, вандализм және бұзақылық үшін жауапкершілік туралы айтады. Ұзақ мерзімге бас бостандығынан айыруға әкеп соғатын теріс қылықтарға ерекше назар аударылады.
ІІМ қауіпсіз жүріс-тұрыс ережелерін енгізу үшін балаларға арналған “Зорлық-зомбылықтың құрбаны болмауы үшін” және ата-аналарға арналған “Балаңыздың зорлық-зомбылықтың құрбаны болмауы үшін” атты жадынамаларды әзірледі. Олар ведомстволық сайттарда, әлеуметтік желілерде, мобильді мессенджерлерде, ата-аналар, мектеп және жалпы үй чаттарында орналастырылған. Әңгімелер мен дәрістерден, кездесулер мен жадынамалардан басқа, полиция жергілікті рейдтер жүргізеді. Әңгімелер мен дәрістерден, кездесулер мен жадынамалардан басқа, полиция жергілікті рейдтер жүргізеді. Жыл басынан бері барлығы 11 мыңнан астам ЖПІШ, рейдтік іс-шаралар, жергілікті пысықтаулар мен акциялар өткізілді.
Мәселен, кәмелетке толмағандардың түнде ойын-сауық орындарында және тұрғын үйден тыс жерде болғаны үшін 86 мыңнан астам ата-ана мен 1,5 мың мекеме иесі әкімшілік жауапкершілікке тартылды. 9,8 мың ата-ана бала тәрбиесі бойынша міндеттерін орындамағаны үшін жауап берді. 1,3 мың кәмелетке толмаған бала ұсақ бұзақылық жасағаны үшін жауапқа тартылды. Сонымен қатар бірқатар өңірлерде оқу орындарында бопсалау фактілері анықталды. Жыл басынан бері кәмелетке толмағандар арасындағы бопсалаудың 49 фактісі тіркелді.
Жас бопсалаушының орташа портреті келесідей көрінеді. Көбінесе ол 15-17 жас аралығындағы жастар, физикалық тұрғыдан мықты, оқу оқитын және толық отбасында тәрбиеленетін балалар. Мысалы, Талдықорған қаласындағы колледж студенттерінен бопсалағаны үшін полиция үш жасөспірімді ұстады. Ал Алматыда университеттердің бірінде студенттерден ақша бопсалағаны үшін 4 адам ұсталды. Жәбірленушілердің арасында кәмелетке толмағандар да бар. Алматы облысы Жамбыл ауданы Ұзынағаш кентінде оқушылардан жүйелі түрде ақша бопсалағаны үшін 5 жасөспірім ұсталды.
Олардан бопсалаушылар 2-3 мың теңгеден алып отырған. Аталған фактілер бойынша “Бопсалау” бабы бойынша сотқа дейінгі тергеу жүргізіліп жатыр, оның санкциялары 4 жылға дейінгі мерзімге дейін бас бостандығынан айыруды, ал адамдар тобы үшін 3 жылдан 7 жылға дейін бас бостандығынан айыруды көздейді. Қазіргі уақытта тергеу шаралары жүргізіліп жатыр, күдіктілер ішкі істер органдарының профилактикалық есебіне қойылды.