Air Astana әуе компаниясы бір рейстің сапарға шықпайтынын ескертті, деп хабарлайды El.kz ақпараттық агенттігі.
«Германия әуежайларындағы неміс кәсіподақтарының ереуіліне байланысты 17 ақпандағы KC 921/KC 922 Астана-Франкфурт-Астана рейсі ұшпайды. Одан кейінгі рейстер кестеге сәйкес жүзеге асады. Орындалмаған рейс жолаушыларына билет құны айыппұлсыз қайтарылады немесе 2023 жылдың 10 наурызына дейін орындалатын рейстерге қайта брондау ұсынылады», - деп мәлімдеді компанияның баспасөз қызметі.
Әуе компаниясы қолайсыздық үшін кешірім сұрады. Билетті қайтару және қайта брондау бойынша көмек орталығына жүгінуге болады. Рейс мәртебесін әуекомпанияның ресми сайтында тексеруге мүмкіндік бар.