Аты аңызға айналған қазақстандық боксшы Геннадий Головкиннің World Boxing ұйымының жаңа президенті болып сайланды, деп хабарлайды El.kz интернет порталы.

World Boxing президенттігіне үміткер Геннадий Головкиннің конгресстегі сөзі:

Мен бокстың барлық кезеңінен өттім. Спортшы ретінде Олимпиада Ойындарына қатыстым, әлем чемпионы атандым. Бүгінде спорттағы жетекшілік қызметтемін. Аса маңызды - бокс болашағына күресу үшін жүрмін. 

Халықаралық Олимпиада комитетінің Olympism365 мүшесі және World Boxing Олимпиадалық комиссиясының төрағасы ретінде білерім: лайықты басқару бұл - біздің спортшыларды және біздің спорт түрін қорғау. Сіздердің қолдаумен World Boxing ұйымына деген сенімді қалпына келтіру үшін барымды саламын.

Бірлесе ХОК толыққанды мақұлдауына қол жеткізе аламыз және бокстың тек Лос-Анжелес-2028 Олимпиадасында ғана емес, алдағы барлық Олимпиада Ойындарындағы өз орнын нық қалыптастырамыз.

Біз өзіміздің спортты адалдық, әділдік пен теңдік қағидаттарына сүйеніп қалыптастырамыз.

Мен 4 басты бағытты ұсынамын:

Бірінші - спортшылар бірінші орында.

Екінші - әділдік.

Үшінші - инновациялар.

Төртінші - қаржылық тұрақтылық және даму.

Енді әрекет ететін уақыт келді. Келесі жылы жоспарды жүзеге асыруды бастаймыз және әр қадам жайында ұйым мүшелерін хабардар етіп отырамыз. Бұл - ауызбіршілік. Бүгін ілгері қадам басамыз. 

Біз спортшылар сенетін және Олимпиадалық отбасы сенім білдірген федерацияға айналуымыз керек. Мен адал, нәтижелі және көп еңбектенетін басшылық құрамын жасақтаймын. Көшбасшы болу - адамлардың үстінен қарап тұру емес, олармен бірге болу.

Бірлік - ұран емес. Бұл - біздің әрекет ету салты. World Boxing әділетті, бірлігі жарасқан және спортшыларға бағытталған ұйым болуы керек. Болашақтың іргесін бірге қалайық! Рахмет!