Қазақстанға Газа секторынан арнайы бортпен 28 адам эвакуацияланатын болды. Олар Палестина халқына жөнелтілген гуманитарлық көмек жүгі тиелген арнайы ұшақпен жеткізілмек, деп хабарлады EL.kz ақпарат агенттігі СІМ-нің баспасөз қызметі.
Аталған бортпен Қазақстанға Газа секторынан эвакуацияланған 28 адам – ҚР азаматтары мен олардың отбасы мүшелері елге жеткізіледі. Барлық міндетті рәсімдерден өткеннен кейін эвакуацияланған азаматтарға қажетті құқықтық, медициналық және өзге де қолдау көрсетіледі, - деп жазылған министрлік таратқан хабарламада.
Палестиналық босқындарға көмектесу және жұмыстарды ұйымдастыру үшін БҰҰ Таяу Шығыс агенттігі Мысыр билігімен бірлесіп қазақстандық көмекті мұқтаж палестиналықтарға жеткізеді, - деді министрлік тарапы.