Америкалық кардиолог әрі ғалым Эрик Топол 98 жастағы Л.Р. есімді науқасты алғаш көрген сәтін ұмытпайды. Әйел медициналық орталыққа жалғыз өзі көлікпен келген. Бұл жайт дәрігердің назарын бірден аудартқан, деп хабарлайды El.kz интернет порталы.

Ол өте сергек, өмірге құштар адам. Жалғыз тұрады, өз бетінше әрекет етеді, достары көп. Бірақ жалғыздықта да өзін жайлы сезінеді, – дейді Топол ВВС-ге берген сұхбатында.

Эрик Топол – Скриппс атындағы трансляциялық зерттеулер институтының негізін қалаушы және директоры. Бұл мекеме АҚШ-тағы беделді медициналық ғылыми орталықтардың бірі саналады. Оның соңғы зерттеуі ұзақ өмір сүретін әрі денсаулығы мықты адамдардың қандай ортақ қасиеттері болатынын анықтауға арналған.

Ғалымның айтуынша, ұзақ өмір сүрудің құпиясы тек генетикада емес. Ол халық арасында кең тараған жалған сенімдерден — мысалы, қартаюды баяулататын күмәнді дәрілер мен ғылыми негізі жоқ процедуралардан сақ болуға шақырады.

Бәлкім, болашақта расымен де “ғажайып таблетка” пайда болар. Бірақ қазіргі таңда ондай құрал жоқ. Тіпті соған жақын нәрсе де жоқ, - дейді ол.