Күннің бетінде пайда болған корональді тесік Жерге әсер етіп, сәрсенбі күні әлсіз магниттік дауылдар мен геомагниттік толқулар туындауы мүмкін.
Бұл туралы РҒА Ғарыш зерттеулері институтының Күн астрономиясы зертханасы хабарлады, деп жазады El.kz интернет порталы.
2025 жылғы 29 қазанға арналған ғарыштық ауа райы болжамы: геомагниттік жағдай – Күннің корональді тесігінен шыққан плазманың әсерінен Жерде әлсіз деңгейдегі толқулар мен магниттік дауылдар күтіледі. Ал жарқылдық белсенділік – тұрақты, – делінген зертхананың Telegram-арнасындағы хабарламада.
Мамандардың айтуынша, өткен тәулікте де геомагниттік жағдай аздап тұрақсыз болған, ал күн жарқылдарының белсенділігі тыныш күйде сақталған.