Ғалия Тынбаева (48 кг) Хорватия астанасы Загребте басталған Гран-при бәсекесінің күміс жүлдеге ие болды, деп хабарлайды El.kz ақпарат агенттігі.
Ол финалда Азия чемпионы, әлем чемпионатының күміс жүлдегері Кого Ваканаға (Жапония) есе жіберді.
Бүгін іріктеуде отандасымыз Италия, Франция өкілін және жартылай финалда Ребека Рита Косжегиді (Мажарстан) ұтты.
Айта кетейік, бұл Ғалияның Гран-при турнирлеріндегі 2-күміс жүлдесі. Былтыр ол Португалиядағы турнирдің финалында отандасы Әбиба Абужақыновамен күш сынасып, 2-орын алған.