Францияның ұлттық пошта қызметі La Poste сары маймен пісірілген круассанның хош иісі бар пошта маркасын айналымға шығарды, деп хабарлайды El.kz интернет порталы.

Бұл ерекше марка Францияның Нан мен кондитерлік бұйымдар конфедерациясы 2019 жылдан бері өткізіп келе жатқан ең дәмді круассан байқауының аясында шығарылған.

Ұйым басшысы Доминик Анракттың айтуынша, «круассан – француз гастрономиясының символы».

Ароматталған марка халықаралық хат-хабарлар үшін қолданылады. Оны 2,1 еуроға сатып алуға болады.