Шымкентте ер адамның жедел жәрдем қызметкерімен төбелескен видеосы әлеуметтік желіде тарады, деп хабарлайды El.kz ақпараттық агенттігі.
Ол фелдьшерді соққыға жыққан. Оқиғаға не себеп болғаны әзірге белгісіз.
Осыдан соң оның қолына сыра ұстап ішіп жүргенін байқауға болады. Жедел жәрдем қызметкерлері оқиға орнына полиция қызметкерлерін шақырған. Дегенмен тәртіп сақшыларының әрекеті де көпшіліктің ызасын туғызды. Өйткені әлгінде ғана төбелесіп, одан қалды сыра ішіп жүрген азаматты олар жібере салған. Ал ең сорақысы, полицейлердің көзінше көлігін өзі айдап кетті.
Бұдан бөлек жүргізуші мінген көліктің нөмірі де күмән тудырады. Себебі сериялық нөмірінде 777 КІМ деп жазылса, өңірлік бөліністі көрсететін бөлігінде 22 деген сан тұр. Ал елімізде еңірлер саны небәрі 20.
Бұл бассыздыққа ашуланған оқырмандар ақ жейдедегі адаммен қоса екі полиция қызметкері де жазалау керек дегінді жазып жатыр.
Ескерту: бейнеде бейәдеп сөздер кездеседі!
Посмотреть эту публикацию в Instagram