Мен барлық адамға бірдей ұнау мүмкін емесін түсіндім
Назарларыңызға танымал қазақстандық режиссер, сценарист, жазушы Ермек Тұрсыновтың өмірлік ұстанымдарын ұсынамыз.
- Егер өмірдің балалық шақ пен кәрілік сияқты кезеңдерін алып тастасыңыз, әрекет ететін уақыт тым шолақ. Оны әркім өзінше жұмсайды. Мысалы, біреу оны «Айқын» газетіне шығындайды. Енді біреу оны теледидар алдындағы диванда өткізеді. Мен үшін уақыт қымбат. Оны текке, қызықсыз іске жұмсағым келмейді.
- Қазақтар сыртқы жау бар кезде бірігеді. Мысалы, жоңғарлар, қытайлар, моңғолдар. Әрдайым осылай болған. Ал сырттан жау табылмаған кезде олар өз ішінен жау іздей бастайды. Жаусыз қазақтың іші пысады. Абайдың өзін сабады емес пе? Неге? Ол көп ойланады, жалғыз. Жалғыздық қазақ қоғамында күдікті.
- Ислам кең мағынасында - 24 сағат бойы Аллаға ғибадат ету, біз басымызға іс түскенде ғана оны еске аламыз. Жалпы, бізде Құдайды іздеу - саналы түрде оған бару емес, сәнге ілесу сияқты.
- Жанымның түкпірінде - тәңіршілмін. Біздің негізіміз пұтқа табынуда жатыр. Біз Рухқа бас идік. Отқа, аруаққа табындық. Түркі мифологиясын оқыңызшы. Біздің ұлы құдайымыз Ұмай болды. Біздің оны ұмытқанымыз өкінішті.
- Иә, менің құдайым - әйел! Мен фильмде әйелдің ең бастапқы мағынасын қайтарғым келді. Ол - тұтыну құралы емес, ол - қасиетті ана.
- Бұрын эротикалық-эстетикалық көзқарас басым болса, қазір сексуалды-тұтынушылық көзқарас қалыптасқан. Әйел тұтыну құралы секілді. Бәрі әйелден пайда көріп, оның тәнін қанағысы келеді.
- Ешқайда кетпеймін. Мен онсыз да көп елдерде өмір сүрдім. Туған жерімнің тезегі де маған жақын әрі түсінікті.
- Абсолют еркіндік деген болмайды. Менің ұғымымдағы еркіндік, ол — жауапкершілік. Сіз, мәселен, қандай еркіндікке дайынсыз, мәселе сонда. Айталық, бір көшенің бойымен мәшинемен алға да, артқа да жүре бергіңіз келсе, сіз еркіндікті ойыма не келсе, соны істеуге мүмкіндік алу деп түсінсеңіз, онда сіз ерік пен шектің рамкасынан шығып кетесіз.
- Мен бұрын басқа адамдар секілді жұмысқа таңғы 9.00 –да барып, кешкі 18.00 –де шығып, қалыпты қызмет істеп жүргенімде осы жұмыстан кетіп, еркін жолмен өз нанымды тауып жеуге көшсем, өз шығармашылығыммен жұмыс істесем, қазіргіден гөрі еркін, тәуелсіз болатын шығармын деп ойлайтынмын. Олай емес екен. Керісінше, қазір менің еркіндігім ұлғайды, бірақ сонымен бірге істейтін жұмысым да көбейіп кетті.
- Мен барлық адамға бірдей ұнау мүмкін емесін түсіндім.
- Жапондарда: «Өзің қол жеткізген нәрсеге қуана білсең, жақсы» деген сөз бар. Маған артық нәрсенің керегі жоқ. Мен өзіме бұйырғанмен өмір сүріп үйренгенмін.
- Біріншіден,өз көрермендерімді сыйлаймын. Мен оларға әмияныма қарағандай қарамаймын. Мен өзімнің көрерменіммен адам тілінде сөйлесемін және оған жағынғым келмейді де. Оның көңілін аулап, мазасын алып, мұрынның астына басын айналдыратын әсерлері бар ойыншықтарды тықпалағым келмейді.
- Мен – официант емеспін және ешкімге де қызмет көрсетпеймін! Мен ешкімге жағынуды қаламаймын немесе, керісінше, ашуландырғым да келмейді. Мен не ойласам, соны жай жасаймын және өтірік айтпауға тырысамын.