Қазақстанда еңбек ету қабілетінен және асыраушысынан айырылу бойынша жәрдемақы өседі, деп хабарлайды El.kz ақпарат агенттігі.
Премьер-Министр Әлихан Смайылов "Мемлекеттік қордан төленетін әлеуметтік төлем мөлшерін арттыру туралы" тиісті қаулыға қол қойды.
"2023 жылғы 1 қаңтарға дейін Мемлекеттiк әлеуметтiк сақтандыру қорынан еңбек ету қабілетінен айырылу және асыраушысынан айырылу жағдайларына тағайындалған әлеуметтiк төлемдердiң мөлшерiн 2023 жылғы 1 қаңтардан бастап алатын әлеуметтік төлемдердің мөлшерінен 8,5 пайызға арттыру жүргізілсін", - делінген қаулыда.