Бұл туралы Нұр-Сұлтан қаласының Төтенше жағдай департаменті мәлімдеді, деп хабарлайды EL.KZ.
ТЖД-нің мәліметінше, 6 тамыз күні сағат 20:05-те бөлімшеге Төлебаев көшесі, 6 "Арыстан" тұрғын үй кешенінен өрт шыққан туралы хабарлама түскен. Өрт сөндірушілер аталған мекенжайға дереу жетті.
Қойма үй-жайында 25 шаршы метр алаңда жатқан құрылыс материалдары мен пластикалық бұйымдар жанып, соңы алапат өртке ұласқан.
– Қызыл жалын 20.21-де ауыздықталып, 20.32-де толығымен сөндірілді. Өртті сөндіруге жеке құрамнан 28 адам және 5 бірлік техника жұмылдырылды, - делінген хабарламада.