2023 жылдың үшінші тоқсанында елдегі қызметкерлердің жалақысы 350,5 мың теңгені құрады. Бұл өткен жылғымен салыстырғанда 16,9 % көп, деп хабарлайды El.kz ақпарат агенттігі.  

Өткен жылы осы кезеңде елдегі орташа айлық жалақы 299,8 мың теңге болған. 

Аймақтар бойынша, ең жоғары орташа айлық жалақы Атырау облысының тұрғындарына тиесілі болып шықты: 602,4 мың теңге. Алдыңғы орындарда Маңғыстау облысы (519,1 мың теңге) және Ұлытау облысы (471,3 мың) бар. 

Ең аз жалақы Түркістан облысының тұрғындарында - 248,9 мың теңге. Аутсайдерлер үштігінде Жамбыл және Солтүстік Қазақстан облыстары да бар.