Қазақстанда 106 хостелдің өрт қауіпсіздігі жағдайы тексерілді, деп хабарлайды El.kz ақпарат агенттігі.
ҚР ТЖМ баспасөз қызметінің мәліметінше, адамдардың уақытша тұратын орындарында өрт қауіпсіздігін қамтамасыз ету мақсатында барлық жерде жатақханаларды жоспардан тыс тексеру жүргізілуде.
Республика аумағында 526 жатақхана тіркелген. Бүгінгі күні 106 жатақханада өрт қауіпсіздігіне тексеру жүргізіліп, оларда 394 өрт қауіпсіздігі ережелерін бұзу фактісі анықталды. Жол берілген бұзушылықтар үшін хостел басшылары әкімшілік жауапкершілікке тартылды, - делінген мәліметте.
Тексеру барысында өрт қауіпсіздігі шараларын түсіндіру бойынша ауқымды профилактикалық жұмыстар жүргізілуде.