Қазақстанда өткен жылы балалар үйіндегі тәрбиеленушілер саны 8,5 пайызға өскен, деп хабарлайды Finprom.kz-ке сілтеме жасап El.kz ақпарат агенттігі.
Былтыр бір жыл ішінде бөбектер үйлеріне 4 жасқа дейінгі 1,3 мыңға жуық бүлдіршін жіберілген. Бұл соңғы бірнеше жылдан бергі рекордтық деңгей. Айта кету керек, бұл бүлдіршіндердің тек 546-сы жетім немесе ата-ана қамқорлығынсыз қалған. Ал 800-дей баланың ата-аналары ата-ана құқығынан айырылмаған.
2024 жылдың басындағы мәлімет бойынша Қазақстанда ата-ана қамқорлығынсыз қалған 21,4 мың бала бар.