Футболдан бірінші лига командалары арасындағы ел біріншілігінде «Елімай» жетінші ойын қатарынан жеңді, деп хабарлайды El.kz ақпарат агенттігі.  

Бірінші лиганың 9-туры аяқталды. Көш басында келе жатқан Семейдің «Елімайы» қатарынан жетінші мәрте жеңіске жетті. Олар аталған турда Павлодар облысының «Екібастұз» клубынан 7:0 есебімен оқ бойы озық шықты.

Нәтижесінде 22 ұпаймен турнир кестесінде қайтадан көш бастап тұр. Одан кейінгі орынды 19 ұпаймен Түркістанның «Тұран» командасы иеленген.  

Сондай-ақ «Тараз» өз алаңында Шымкенттің «Оңтүстік академиясымен» 3:3 есебімен тең түссе, «Ақтөбе жастары» алматылық «Хан тәңіріне» 0:3 есебімен жол берді.