Мемлекет басшысының елдімекендер аумағында 15 миллион ағаш отырғызу жөніндегі тапсырмасын іске асыру аясында облыстардың елді мекендерін көгалдандыру және жасыл аймақтар құру бойынша өңірлік жоспарлар бекітілді, деп хабарлайды El.kz интернет порталы.

Президент тапсырмасына сәйкес 2021 жылдан бастап 2025 жылға дейінгі аралықта елімізде жыл сайын 3 миллионнан астам ағаш отырғызу жоспарланған болатын. Орман шаруашылығы және жануарлар дүниесі комитеті ұсынған ақпаратқа сүйенсек, өңірлердің жылдық жоспарларды артығымен орындауына байланысты жалпы алғанда 2021 жылдан 2025 жылға дейін елдімекендерде 15,7 миллионнан астам ағаш отырғызылды. Биыл көктемгі кезеңде (2025 жылғы 2 мамырдағы жағдай бойынша) елдімекендер аумағында 1,4 миллион ағаш отырғызылды.

Бұл жұмыс елді мекендердің экологиялық жағдайын жақсарту, халықтың өмір сүру сапасын арттыру және еліміздің жасыл қорын ұлғайту мақсатында жалғаса бермек.