eGov порталында жаңа қызмет іске қосылды

23 Қараша 2022, 13:26 1996

Жаңа қызмет онлайн режимде қолжетімді және тегін көрсетіледі

eGov.kz порталы мен eGov mobile қосымшасында жемқорлық қылмыс туралы ақпарат алу қызметі іске қосылды, деп хабарлайды El.kz ақпарат агенттігі "Ұлттық ақпараттық технологиялар" АҚ-сына сілтеме жасап.

Жаңа қызмет онлайн режимде қолжетімді және тегін көрсетіледі. Ал жемқорлықтың бар-жоғы бірнеше жағдайда тексеріледі.

Олар:

азаматтық қызметке кіру кезінде;

квазимемлекеттік сектор субъектілеріне жұмысқа орналасу кезінде;

Бұған дейін ондай мәліметтер Бас прокуратурасының құқықтық статистика және арнайы есепке алу комитеті арқылы берілді.

"Сыбайлас жемқорлық қылмыс жасау туралы мәліметтер мемлекеттік қызмет пен квазимемлекеттік сектордың болашақ қызметкерлері үшін қажет. Біз уақытты үнемдеу үшін мемлекеттік органдармен бірлесіп, оны онлайн форматқа ауыстырдық. Сонымен қатар, бұл қызмет түрі танымал, іске қосылған сәттен бастап 98 мыңнан аса адам мәлімет алды. Жақын арада біз қызметті үшінші тұлғалардың сервисі арқылы іске қосамыз", - дейді "Ұлттық ақпараттық технологиялар" АҚ басқарма төрағасы Ростислав Коняшкин.

eGov.kz порталында жаңа қызметті алу тәртібі:

порталда авторизациядан өту;

басты бетте "Азаматтарға" - "Жұмысқа орналастыру және жұмыспен қамту" - "Жұмысқа орналастыру және жұмыс іздеу" бөлімін таңдау;

"Адамның сыбайлас жемқорлық қылмысы туралы мәліметтер беру" қызметін таңдап, "Қызметке онлайн тапсырыс беру" батырмасын басу;

қызметке ЭЦҚ қою және алу; Анықтама 10 минут беріледі. Ал қосымша тексеру қажет болған жағдайда 5 жұмыс күні керек.

EL.KZ