АҚШ президенті Дональд Трампты ұлықтау рәсіміне Қазақстанның АҚШ-тағы елшісі Ержан Ашықбаев қатысатын болды, деп хабарлайды El.kz ақпарат агенттігі.
Бұл туралы СІМ ресми өкілі Айбек Смадияров айтты.
Айта кетейік, Дональд Трамптың инаугурациясы 2025 жылдың 20 қаңтарында өтіп, Трамп екінші рет президенттікке кіріспек.
Бұл күні жүз мыңдаған адамның қауіпсіздігін 25 мың тәртіп сақшысы қамтамасыз етеді. Соның ішінде 12 мыңға жуық әскери қызметші елдің өзге өңірлерінен келеді.
Әзірге қаладағы қонақ үйлерде нөмірлердің 70% броньдалған. 2017 жылы бұл көрсеткіш 95%-ды құраса, 2013 жылы 78% болған.