«Қазгидромет» синоптиктері 4-6 қарашаға арналған ауа райы болжамын ұсынды, деп хабарлайды El.kz ақпарат агенттігі.
Ел аумағынан терең атлантикалық циклон жылжиды. Соның әсерінен республиканың солтүстігінде, солтүстік-батысында, орталығы мен шығысында жаңбыр мен қар түріндегі жауын-шашын болады. Шығыста көктайғақ болып, жел күшеймек.
Сенбі күні батыстан циклонның артына антициклон жылжитындықтан, жауын-шашын біртіндеп тоқтап, ауа температурасы төмендейді. Республиканың солтүстігінде, шығысында және орталығында ауа температурасы түнде 3-15 градусқа дейін, оңтүстік және оңтүстік-шығыста 2 градусқа дейін, таулы аймақтарда 5-10 градусқа дейін төмендейді.