COVID-19 ауруының өршуіне байланысты ДДҰ басшысы бетперде кию қажеттігін еске салып, COVID-19-ға тест тапсыруға шақырды, деп хабарлайды El.kz ақпарат агенттігі ria.ru сайтына сілтеме жасап.
Тедрос Гебрейюс көптеген елдерде коронавирусты жұқтыру жағдайлары көбейіп жатқанын атап өтті.
COVID-19, тұмау және басқа да қоздырғыштар тудырған респираторлық аурулардың саны бірнеше апта бойы көптеген елдерде өсіп келеді және соңғы мерекелерден кейін де жалғасуы әбден мүмкін, - деп жазды Гебрейюс әлеуметтік желіде.
Ол барлық елдердің билігіне вирустың ықтимал мутацияларын бақылауды ұсынды.