28 Қаңтар 2013, 16:24
Жақында Үрімжі шаһарында «Шіңгілдің мөлдір сундай» атты қазақ халық әндерінің концерті болды. Концерттің ерекшелігі қазақтың халық әндері тек қана қытай тілінде шырқалып, қазақ халық әнінің қай тілде орындалса да бояуын солғындатпайтынын дәлелдей түсті,- деп хабарлайды Тәңіртау ақпараттық сайтының тілшісі Құрмангүл Әспенқызы.
Концертке қатысқан Қытайдағы белгілі қазақ әншілері мен қытай әншілері қазақтың «Ғайни», «Назқоңыр», «Дудар-ай», «Бипыл», «Ақ тамақ» әндерін шыңына жете шырқады. Құлақ құрышын қандырар халық әнін қытай көрермендері де тамсана тамашалады.
Концертке қатысқан қазақ зиялылары Шіңгіл ауданының ұйымдастырушыларына алғыс айтып, осындай халқымыздың төл өнерін танытудағы үрдісті үзбей жалғастыру керектігін айтты.
Айта кетейік, Қытай-Монғолия шекара маңына орналасқан ШҰАР Алтай аймағына қарасты Шіңгіл ауданы тұрғындарының басым көпшілігі қазақтар. Онда қазақтар аудан халқының 76%-ын құрайды.
Суреттер Синь Хуа агенттігі сайтынан алынды
BAQ.kz