Алматыдағы Шымбұлақ тау шаңғысы курортында жаңа кәсіби арқан паркі ашылды. Жаңа нысан теңіз деңгейінен 2200 метр биіктікте орналасқан.

Онда күрделілігі тұрғысынан 3 бөлімді, арқаннан керілген және ағаш кедергілерден тұратын спорттық құрылғылар бар. Бірінші деңгей бойынша жер бетінен 1 метр биіктікте арқанмен балалар өрмелей алады. Жер бетінен 3 метр биіктікте орналасқан келесі деңгей ересектерге арналған. Ал, 6 метр биіктікте орналасқан құрылғыда альпинизм спортымен айналысатын спортшылар өрмелейді. Жоба жетекшісі Мақсұт Жұмабаев спорттық құрылғыларды Швейцария елінен арнайы алдырған.