БОКС: Геннадий Головкиннің салмағы Габриэл Росадодан жоғары болды

Кәсіпқой бокста WBA нұсқасы бойынша орта салмақтағы әлем чемпионы, қазақстандық боксшы Геннадий Головкин бүгін Нью-Йоркте өзінің чемпиондық атағын кезекті мәрте қорғайды. Оның бұл жолғы қарсыласы - америкалық Габриэл Росадо. Кеше Нью-Йоркте боксшылардың салмағын өлшеу рәсімі өткізілді.

Геннадий Головкиннің салмағы 72,6 келі тартты. Оның қарсыласы Габриэл Росадоның қазақстандықтан бойы ұзындау болғанымен, салмағы сәл жеңілдеу болып шықты, 72,1 келі екен.

Осы кештің басты жекпе-жегін өткізуге тиісті боксшылар: WBO нұсқасы бойынша жартылай жеңіл салмақтағы чемпион - мексикалық Орландо Салидо 57,1 келі, оның қарсыласы - америкалық Мигель Анхель Гарсия 57 келі тартты.

Естеріңізге сала кетейік, АҚШ-тың Нью-Йорк қаласында өтетін бұл бокс шоуы Астана уақытымен қаңтардың 20 күні сағат 8:00-де басталады деп жоспарланған.

Жекпе-жекті мына жерден көруге болады.

Қ.Ахметов

BAQ.kz

Қысқа да нұсқа. Жазылыңыз telegram - ға

БОКС: Геннадий Головкиннің салмағы Габриэл Росадодан жоғары болды

Оқи отырыңыз

Бір отбасынан шығып, 2026 жылғы Олимпиадада чемпион атанған спортшылар

Ақ Олимпиада: Қазақстанның шынайы мүмкіндігі қандай?

11,8 млрд теңге, «Арсенал» қақпасына салынған тарихи голдар: «Қайрат» Чемпиондар лигасындағы жорығын аяқтады