Жастар проблемасы – Президент Жолдауының маңызды тармағының бірі - профессор

Жастар проблемасы – Президенттің 2050 жылға дейінгі халыққа арналған Жолдауының маңызды тармағының бірі. Қазіргі таңда жастар саясаты туралы заң қызу талқылануда, бұл өте маңызды, себебі жастар – біздің болашақтың негізі. Бұл туралы BNews.kz тілшісіне берген сұхбатында саясат ғылымдарының докторы, профессор Венера Жексембекова мәлімдеді.

«Мен Қазақстан халқына арналған Президент жолдауындағы 3,4 негізгі аспектіні атағым келеді. Біздің жастарды дамыту, қазақстандық отансүйгіштікті нығайту, тілдерді үйрену мәселелеріне назар аударғым келіп отыр. Жастар 3 және одан көп тілді білулері керек. Қазірде біздің жастар «Болашақ» бағдарламасы бойынша басқа мемлекеттерге барып, білім алуда. Бұл маңызды факторлар», - деді профессор.

Сондай-ақ ол қазақстандық қоғам өміріндегі ұлттық интеллигенция рөлінің маңызын атап өтті.

«Бұл мәселелер өте маңызды. Олар Қазақстанды, оның мәдениетін, салт-дәстүрін, құрылымын көрсетеді. Сондай-ақ, ана мен баланы қорғау проблемасы да маңызды»,- деді Жексембекова.