Елбасы Жолдауы түсіндірілді

Астана қаласы  Сарыарқа ауданы әкімінің аппараты  қалалық Кедендік бақылау департаментінің еңбек ұжымымен кездесіп, Қазақстан Республикасы Президентінің  халыққа арнаған «Қазақстан – 2050» Стратегиясы: қалыптасқан мемлекеттің жаңа саяси бағыты» атты Жолдауын түсіндірді.   

Кездесуде Сарыарқа ауданының  коммуникаторы, «Нұр Отан» ХДП Сарыарқа аудандық филиалы төрағасының орынбасары  Арман Нұрғазин сөз сөйледі.

Ол өз сөзінде «әлеуметтік мемлекеттің негізгі талаптарының бірі –  ол әр адамның тұрмыс жағдайын жақсарту,  жақсы еңбекақы алатын жұмыспен қамту,  денсаулық сақтау, білім беру саласында сапалы қызмет көрсету,  жеткілікті зейнетақы мен әлеуметтік жәрдемақылар төлеу», -деп атап көрсетті. 

«Қазір Тәуелсіз Қазақстан экономикалық жағынан нығайды, әлеуметтік мемлекеттің барлық ұстанымдарына толық жауап беру мүмкіндігі бар», – деп түйіндеді сөзін  Арман Нұрғазин.

Астана қаласының ресми сайты astana.kz