Президенттің Қазақстан халқына Жолдауында азаматтық қоғамды дамытуға ерекше мән берілген

Ел Президенті Нұрсұлтан Назарбаев Қазақстан халқына Жолдауында елдегі азаматтық қоғамды дамытуға ерекеш мән берді. Бұл жөнінде BNews.kz тілшісіне Kyzylorda-news интернет-газетінің редакторы Елібай Жікібаев мәлімдеді. 

«Нұрсұлтан Әбішұлы Назарбаев Қазақстандағы азаматтық қоғамды дамыту жайын сөз ете отырып, елде тәуелсіз БАҚ және 18 мың ҮЕҰ жұмыс істейтінін атап өтті, – деді Елібай Жікібаев. – Елімізде барлық саяси бағытта жұмыс жасайтын партиялар бар. Бізде көппартиялы парламент, парламенттік көпшілік үкіметі. Қазақстан мәдениетаралық және конфессияаралық диалогтің маңызды халықаралық орталығы болып табылады. Ұлт көшбасшысы ішкі саяси тұрақтылық пен ұлт бірлігін Қазақстанның гүлдену жолындағы басты сәттіліктерінің бірі ретінде атап өтті. Бұған халық жоғары баға берді. Себебі, демократиялық дамыту үлгісінің негізінде азаматтық қоғам институттарын қалыптастыруда ішкі саяси тұрақтылыққа қол жеткізу қиын. Бірақ бізде тұрақтылық бар, бұл ұлттың басты байлығы».

«Қызылорда облысында бұқаралық ақпарат құралдарында мемлекеттік ақапарттық саясатты жүргізуге арналған шығындар 2013 жылдан бастап артады, – деді Жікібаев, – бұл мақсатта 243 млн теңгеден астам қаражат жұмсалмақ. Облыстық телеарнада денсаулық сақтау, білім, жастар саясаты мен дін мәселелері бойынша жаңа бағдарламалар құрылады. Республикалық БАҚ-та өңірді әлеуметтік-экономикалық және индустриалды-инновациялық дамытудың келешегі жайында ақпараттар көрініс табады».