Бэкхемнің отбасы Рождествоға жарты миллион долларын шығындамақ

The Sun таблойды хабарлағандай, әйгілі футболшы Дәвид Бэкхем әйелі Викториямен отбасылық дәстүрді бұзып, Рождество мерекесін балаларымен Мальдив аралдарында қарсы алмақ. 

12 күндік демалыс барысында Бэкхемдер отбасы One & Only Reethi Rah деп аталатын VIP қонақ үйді мекендейтін болады. Мұнда олар күндік бағасы 13 мың АҚШ долларынан асатын үлкен бір номер және 6 мың долларлық кішкентай үш бөлмені алдын ала бронь жасатқан.

Мальдив аралдарына белгілі аяқ доп шебері өзінің жеке ұшағында аттаныпты. Ал, тур-агенттердің пікірінше, One & Only Reethi Rah қонақ үйі тек Мальдив аралдарында ғана емес, бүкіл әлемдегі керемет орындардың бірі екен. Демалуға келген кез-келген адамның мұнда зерікпейтіні анық.
Рождество мерекесінде Дэвид пен Виктория өз жақындарына сыйлық жасауды да ұмытқан жоқ. Сыйлықтардың қандай құны қандай сомада екендігі айтылмайды.

BAQ.KZ