Депутаттар мектептегі білім сапасының төмендеуіне алаңдаулы

Бүгін ҚР Паламент Мәжілісінің отырысы барысында депутаттар ҚР білім және ғылым министрі Бақытжан Жұмағұловқа сауал жолдай отырып, оқытудың инновациялық әдісін тезірек енгізуді сұрады.

«Халықтық коммунистер» фракциясының мүшелері бүгінгі мектептегі проблемаларға, әсіресе, ескірген оқыту әдістемесіне байланысты төмендеп жатқан білім сапасы мен білім берудегі тиімсіз менеджментке алаңдаулы. ИСО9000 халықаралық стандарты негізінде заманауи менеджменттің жаңа технологияларын енгізуге бағытталған инновациялық саясат керек», - деп атап өтті Галина Баймаханова.

Оның сөзіне қарағанда, бұл мәселені «Білім беру технопаркі» жобасы аясында шешуге болады.

«Ол үшін Қазақстанның 14 облысындағы 52 мектепте – әр облыс бойынша 3 мектепте инновациялық орталық құру қажет», - деп сендірді депутат.

Жобаларды қаржыландыру қазіргі таңда өңірлердегі қаржыны үнемдеу есебінен шешілуде. Жобаны жоспарлы түрде енгізу үшін енді тек жобаны қаржылай қолдауды міндеттейтін білім министрлігінің бұйрығы қажет.

Сабина СЕКСЕМБАЕВА