Астана мен Алматы қалаларында 4G байланысы коммерциялық қолданысқа берілді

Бүгін жалпыұлттық телекөпір барысында Астана мен Алматы қалаларында жоғары сапалы 4G байланысы іске қосылып, коммерциялық қолданысқа берілді, деп хабарлайды BNews.kz тілшісі.
Мемлекет басшысы Нұрсұлтан Назарбаевтың тапсырмасына сәйкес, «Қазақстелеком» АҚ (LTE Long Term Evolution- агенттік ескерт.) төртінші буын байланысын іске қосты.

Көлік және коммуникация министрі Асқар Жұмағалиевтің айтуынша, 4G байланасқа келесі жылы Қарағанды, Ақтау, Ақтөбе, Атырау қалалары, ал 2014 жылы барлық облыс орталықтары қосылатын болады.

«Қазақтелеком» АҚ басқарма төрағасы Қуанышбек Есекеев 26 желтоқсаннан бастап Астаны мен Алматы қалаларының сауда нүктелерінде 4G абоненттік терминалдарының ресми түрде сатыла бастайтындығын атап өтті.

Диана ҚҰЛМАҒАНБЕТОВА