«Парыз» сыйлығын табыстау рәсімі жалғасып жатыр

Астанада ҚР Президентінің қатысуымен өтіп жатқан телекөпір барысында «Парыз» сыйлығының лауреттарын анықтау рәсімі жалғасып жатыр. 

Павлодар облысында 320 орынға арналған балабақша салып, оны жергілікті биліктің құзырына тапсырған «Нефтехим Лимитед» ең үздік әлеуметтік жауапкершілікті кәсіпорын номинациясының лауреаты атанды. Ал, қарағандылық «Каналстройпласт» «Парыз» сыйлығының екінші дәрежелі сыйлығын қанжығасына байлап отыр. Ең үздік әлеуметтік жауапкершілікті кәсіпорын номинациясының тағы бір лауреаты Атырау облысының «Ариадна» кәсіпорны. Мұнда жұмыс істеп жатқандардың 18 пайызы жастар мен мүгедектер екен.
Экологияны сақтауға үлес қосқаны үшін «Родина» агрофирма ЖШС-і (Ақмола облысы) мен қызылордалық «Экосервис» марапатталды.

BAQ.KZ