24 Желтоқсан 2012, 07:38
Бүгін Астанада «Самұрық-Қазына» АҚ басқарма төрағасы Өмірзақ Шөкеев «Астана» жаңа президенттік кәсіби спорт клубын таныстырды, деп хабарлады BNews.kz тілшісі. «Бүгін мен үшін «Самұрық-Қазына» акционерлік қоғамы жанындағы жаңа спорт клубын таныстыру үлкен мәртебе. Бұл бірқатар спорт түрі бойынша Астананың жетекші командаларының барлығын біріктіретін кәсіби президенттік спорт клубы саналады. Біздің мақсатымыз – әлемдік командалар деңгейінде ұлттық кәсіби спорт клубын қалыптастыру. Бұл Қазақстан Республикасында кәсіби спортты басқарудың заманауи сапалы жолы», - деді Шүкеев.
Клуб құрамына еліміздің жетекші имидждік жобалары кіреді. Атап айтсақ, велокоманда, баскетбол, футбол, хоккей, бокс командалары және тағы басқалар кіреді. Клубтың мақсаты Қазақстан имиджін әлемдік аренада дамыту болып табылады.
Шара барысында «Самұрық – Қазына» АҚ «Астана» Президенттік кәсіби спорт клубының құрамына қосылу аясында жетекші спорт клубтарының көшбасшыларымен ынтымақтастық туралы меморандумға қол қойылды.
Шараға Александр Винокуров, Илья Ильин, Вадим Шакшакбаев, Валерий Тихоненко, Артур Ардавичус және тағы басқалар қатысты.