Қазақстандағы мемлекеттік органдар БҰҰ күн тәртібінің жобасын 2050 Стратегиясын есепке ала отырып да

Астанада Премьер-Министрдің орынбасары Е.Орынбаевтың төрағалығымен БҰҰ-ның 2015 жылдан кейінгі жаһандық даму саласындағы күн тәртібін қалыптастыру мақсатында ұлттық консультациялар өткізу жөніндегі үйлестіру комитетінің бірінші отырысы өтті, деп хабарлайды ҚР Премьер-Министрінің баспасөз қызметі. 

Шараға мемлекеттік органдар мен агенттіктердің, БҰҰ-ның Қазақстандағы жүйесінің өкілдері қатысты. БҰҰ шешімен, Қазақстан осындай консультациялар өткізетін 50 елдің бірі ретінде таңдалып отыр. Бұл консультациялардың негізгі мақсаты – 2000 жылы БҰҰ-ның Мыңжылдық саммитінде қабылданған мыңжылдықты дамытудың мақсаттарын орындау жөніндегі ұсыныс-кеңестерді әзірлеу болып табылады.

Ұсыныс-кеңестер «Рио+20» және ұлттық басымдықтарды дамыту мәселелері бойынша өзара іс-қимылдарды тереңдетудің әдістері ретінде қаралады.

Ұлттық консультациялардың қорытындылары жинақталып, БҰҰ-ның Даму мәселелері жөніндегі тобының жаһандық есебіне кіргізіледі және ол құжат 2013 жылдың қыркүйек айында БҰҰ Бас Ассамблеясында қаралады.

Е.Орынбаев отырыс қорытыдысы бойынша барлық мүдделі мемлекеттік органдарға консультациялардың тақырыптарын анықтауды және БҰҰ қарауына ұсыну үшін «Қазақстан-2050» стратегиясын ескере отырып ұсыныс-кеңестердің жобаларын әзірлеуді міндеттеді.

BNews.kz