Н.Назарбаев: Қазақстанның Олимпиададағы жеңісі – патриоттықтың жаңа үлгісі

Қазақстан халқына арнаған жаңа Жолдауында Елбасы Қазақстан азаматтарының патриоттығын дамыту мен нығаудың маңызды екеніне назар аудартты. Ал биыл Лондонда өткен Олимпиада ойындарын ел патриоттығының жаңа үлгісі ретінде атап көрсетті, деп хабарлайды BNews.kz тілшісі. 

«Қазақстандағы патриоттықтың жаңа үлгісі біздің көп ұлтты, көп конфессиялы мемлекетіміздің жетістіктерінің негізі», - деп атап өтті Н.Назарбаев. 

Елбасы Қазақстан спортшыларының 205 елдің арасынан 13-ші орын алғанын атап өтті.

«Олимпиада жеңімпаздарының арасында қандай ұлт өкілі жоқ дейсіздер. Біздің құрама команда Қазақстандағы бүкіл ұлттар атынан достықты ту етіп өнер көрсетті. Олимпиададағы жеңісіміз бүкіл ел болып спортшыларымыз үшін жанкүйер болған кезде біздің халықтың бірлігін нығайта түсті», - деп атап өтті Елбасы.

Дереккөзі: www.bnews.kz