Тәуелсіздік күніне арналған балалардың сурет көрмесі Тұңғыш Президент мұражайында өтеді

Қазақстан Тәуелсіздігі  күніне арналған балалардың сурет көрмесі  21 желтоқсанда елордадағы  ҚР Тұңғыш Президенті мұражайында өтеді. Экспозицияға «Туған жерім» деп аталатын балалар суреті  І  Халықаралық  байқауы  қатысушыларының  еңбектері қойылады. Мұражайдан хабарлағанындай,  байқаудың басты мақсаты – жас  ұрпақтың бойында патриотизм мен азаматтық жауапкершілікті қалыптастырып,  Отанға деген сүйіспеншілік  сезімі мен Қазақстанның тарихы мен мәдениетіне деген қызығушылығын  арттыру, сондай-ақ, балалардың көркем  шығармашылығын дамыту мен кеңінен насихаттау болып табылады. 

«Көрмеде: «Қазақстанның өткеніне саяхат», «Қазақстан халқының аңыздары мен ертегілері»,  «Қазақ халқының дәстүрі мен салттары», «Астана – болашақ қаласы»,  «Қазақстан  20 жылдан кейін» тақырыптарына  еліміздің барлық аймақтарынан жұмыстар ұсынылады. Қазақстан Суретшілер одағы мүшелерінен құрылған қазылар алқасы  ұсынылған жұмыстардың кәсіби деңгейінің жоғары  екендігін атап көрсетті», - делінген хабарламада.   

Астана қаласының ресми сайты astana.kz