ЭКСПО-2017 халықаралық көрме аясында Астанаға Қазақстан мен өзге шет елдерден 2 млн турист келеді, Бұл туралы баспасөз конференция барысында «Қазақ индустрияны дамыту институты» АҚ Туризм индустриясы орталығының директоры Қарлығаш Алтаева мәлімдеді, деп хабарлайды BNews.kz тілшісі.

«Астана ЭКСПО» ұлттық компаниясының берген мәліметтері бойынша, бүкіләлемдік көрме аясында Астанаға 2 млн-нан астам турист, 5 млн қонақ келіп кетеді деп күтілуде»,- деді Қ.Алтаева. 

Өз кезегінде, ҚР ИЖТМ Туризм индустриясы комитетінің басшысы Марат Иғалиев алдағы ЭКСПО көрмесі аясында Астанада этноауыл салып, жағалау маңындағы жерлерді дамыту жоспарланып отырғанын атап өтті.