24 Қыркүйек 2013, 10:04
Қызылорда облысы Қазалы ауданы орталығында дәстүрлі күзгі гүлдер мерекесі өтті, деп хабарлады BNews.kz тілшісі аудандық әкімдіктің баспасөз қызметіне сілтеме жасай отырып.
Бұл жолы концерт, гүлдер көрмесі мен жәрмеңкеден және жалпы халықтық мерекелік шаралардан тұрған мейрам «Гүлдер – табиғат байлығы» деп аталды. Бөлме, суармалы, бақша гүлдерінің көрмесіне 50-ден астам ұйым қатысты. Мереке соңында ең өнерлі гүл өсірушілер дипломдар мен бағалы сыйлықтарға ие болды.