Қызылордада Отбасы күніне орай мерекелік шара өтті

Елбасымыз Нұрсұлтан Назарбаев Әбішұлы Қыркүйек айының екінші жексенбісі «Жанұя» күні деп белгілеген болатын. Осыған орай ҚМДБ-ның Қызылорда облысындағы өкілдігі «Ақмешіт-Сырдария» мешітінде Мүфти хазрет Ержан қажы Малғажыұлының бастамасымен қаламыздағы мәдинет үйлерінің бірінде «Ымырасы мен сыйластығы жарасқан жанұя» атты мерекелік іс-шара өтті.  Мешітіміздің бас имамы Омаров Талғат Сейіткәрімұлы: «Отбасы белгілі дәстүрлердің жағымды өнегелердің, мұралардың сақтаушысы. Онда бала алғаш рет өмір жолымен танысады, моральдық нормаларын игереді. Сондықтан отбасылық өмір - жеке адамның азамат болып өсуінің негізі. Отбасы ғасырар бойы адам баласы тәрбиесінің құралы болып келеді. Отбасы ынтымағы мен сыйластығы жарасымды болса еліміздің келешек ұрпақтары саналы да алғыр болып ұлан байтақ еліміздің өсіп – өркендуіне зор үлестерін қоспақ»,- деп жиналған қауымға баяндамасын жүрекке жеткізе баян етті. Абай хакім «Әсем ән мен тәтті күй, Құлақтан кіріп бойды алар» ,-демекші бұл кеште жыр-термелер төгіліп, ата-бабадан мұра болып қалған айтыс өнерінің майталманы Мұхтар Ниязов «Отбасы» туралы арнауын арнады. Кештің қадірлі қонақтары самайларына ақ түскен, ақ кимешекті батыр аналарымыз Ұлжан мен Сәрсен әжелеріміз жастарға өмірлік тәжірибелерін бөлісе отырып, жанұядағы бақыт баланың іңгәләған үні, ерлі-зайыптылардың сыйластығы екнін айтты. Осы алтын құрсақты аналарымыздың жолын әр мұсылман қазақ қызына нәсіп болып, барша жанұяның ымырасы мен сыйластығының жарасуын Аллаһ нәсіп етсін.   BAQ.KZ

Елбасымыз Нұрсұлтан Назарбаев Әбішұлы Қыркүйек айының екінші жексенбісі «Жанұя» күні деп белгілеген болатын. Осыған орай ҚМДБ-ның Қызылорда облысындағы өкілдігі «Ақмешіт-Сырдария» мешітінде Мүфти хазрет Ержан қажы Малғажыұлының бастамасымен қаламыздағы мәдинет үйлерінің бірінде «Ымырасы мен сыйластығы жарасқан жанұя» атты мерекелік іс-шара өтті. 

BAQ.KZ