Астанада «Жаңа әлемдегі жаңа Қазақстан» Тұңғыш Назарбаев оқулары» Халықаралық форумы жұмысын бастайды. Бұл ауқымды іс-шараға қатысу үшін ұйымдастыру комитетіне мың жарымнан аса баяндамалар түскен, деп хабарлайды BNews.kz Астана әкімдігінің ресми сайтына сілтеме жасап. 

Сараптаудың нәтижесінде ұйымдастырушылар осы сұхбат алаңында оқылатын олардың үздік 50-ін іріктеп алған. Форум «Назарбаев университетінде» өтеді. 

Форумды ұйымдастырып отырған Қазақстан Республикасы Білім және ғылым министрлігінің айтуынша, «Тұңғыш Назарбаев оқуы» бұл – жан-жақты ғылыми тағылым әрі қазақстандық және шетелдік сарапшылардың Тәуелсіз мемлекет құрудағы, оның әлемдік деңгейде мойындалуындағы Қазақстанның Тұңғыш Президенті Нұрсұлтан Назарбаевтың еңбегі мен тарихи рөлін көрсету. 

Іс-шараға өздерінің қатысатындықтарын әлемнің елу елінен көрнекті қоғам қайраткерлері мен саяси қайраткерлер: ғалымдар, тарихшылар, сарапшылар, экс-министрлер, президенттер мен премьер-министрлер растады.